منتدى كنيسة الشهيد العظيم مارجرجس الرومانى بشرارة - ابوقرقاص - المنيا

منتدى كنيسة الشهيد العظيم مارجرجس الرومانى بشرارة - ابوقرقاص - المنيا


 
الرئيسيةالتسجيلدخول

شاطر | 
 

 فطير مشلتت ياخرابى علية

اذهب الى الأسفل 
كاتب الموضوعرسالة
mama



عدد المساهمات : 353
نقاط : 32756
تقييم العضو : 0
تاريخ التسجيل : 16/11/2009
العمر : 27

مُساهمةموضوع: فطير مشلتت ياخرابى علية   الخميس 15 أبريل 2010, 9:19 am

الفطير المشلتت
المقادير
كيلو دقيق اي نوع بس يكون في عرق مش هصعبها
اتنين كوب ماء
معلقة ملح صغيره
معلقة سكر صغيره

الطريقة دوبي الملح كويس في المياه
و بعدين ضيفي السكر علي الدقيق و قلبيه كويس و ضيفي المياه كوبايه كوبايه مع العجن
تعجني فيها بتاع عشر دقايق
لحد ما تبقي عجينه محترمه كده اقسميها علي خمس قطع او سته كوريهم كويس و امسحيهم بالزيت كويس
بعدين حطيهم في طبق ممسوح كويس زيت
و سيبيهم من نص ساعه الي ساعه متغطين
لاختبار العجينه تشديدها هتلاقيها بقت زي اللبانه تبقي كده مريحه تمام التمام
تجيبي القطعه تحطي علي الرخامه زيت و تمسحي بيه الرخامه كويس بيحث تلمع
و بعدين تقومي تحطي العجينه واحده فوقه و بالنشابه تفردي لقدام و بعدين تلفيها و تفردي الجناب
بعدين بقي خلي بالك من النقطه ديه كويس اوي اوي اوي
تمسكي اطراف الفطيره
و تشديدها بشويش اوي تهزيزها كانك بتلعبي باشارب في الهوا بس بالراحه و تشدي عليكي و هكذا هتلاقيها بتمط و بقت شفافه كل ما تبقي شفافه اكتر كل ما تبقي احسن
بعدين شدتيها و اتفردت لو قطعت منك مش مشكله خالص عادي
تجيبي سمن في ايده و تحطي فوقيها كلها و بعدين تطبقيها منديل و تشيليها في طبق تاني محطوط فيه زيت
و العجينه التانيه نفس النظام عاده انه هتفردي عليها السمن ماشي
بس مش هتلفيها منديل
هتجيبي الفطيره اللي لفناها قبل كده منديل و تحطيها في نصها و تقفلي عليها منديل تاني
و هكذا كل الكميه
تحطيها في صنية مدوره و سيبيها في مكان دافي تستريح بعدين حطي في ايدك سمن و اضغطي عليها كويس و يستحسن يكون قشطه علي فكره ممكن بدل حشو السمن يبقي قشطه تبقي طريه و حلوة اويييييييييييييييييي
عندك فرن كهرباء ولعي من فوق و من تحت علي اقصي درجة سيبك من كلام فرن مروحه ستي عمرها ما شافت المروحه غير للضيوف و كانت بتعمله يجنن اول ما يشقر كده طلعيها و بالسكر رشيها او بالعسل او بالجبنه القديمه و قولولي النتيجه
ضرورى وصلولى كتير
بالهنا و الشفاء
الرجوع الى أعلى الصفحة اذهب الى الأسفل
 
فطير مشلتت ياخرابى علية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كنيسة الشهيد العظيم مارجرجس الرومانى بشرارة - ابوقرقاص - المنيا :: منتدى الأسرة :: أشهى المأكولات-
انتقل الى: